TURLAI RÉNGAM KÉPÉ

Updated: Sep 7, 2020

✒️Mg. Daniel Doley


Tani:yé a:dung tani:yé gídung

Tani:ké turnamdé kontégo:ko;

Silo odung yampo sidung

Tani:ké turnamdé lo:nyo:ko.

Tani:yíng gíjoné tani:yíng yéjoné

Tani:yíng mo:pí:sok turjoné,

Dojoné tí:joné réngam léga:pé

Tani:yíng mimag mojoné.

Ngok turjona aropé kinsudan

Mo:píso turyén éddíko?

Kinsudan mo:pí:so réngam undopé

Gerton agerém éddíko?

Bérkutsul kangkílai turko lamkubém

Gerton kapiné agerko!

Léngkanton mo:písok sí:sané opeyém

Tani:pé lusunan bélamko?

A:péné bélamtém ka:la mopu:lai

Mo:píso tani:pé lusupém,

Nabjo:né ta:ngéng papu:la gílai

Mo:píso réngamém unmopém.

Enge annélok assé turnamsé

Tu:peyém oleddung bagémpé!

Lo:nyik turdoso turlai réngam kép

Léngkan sulai ngolusin tani:pé.


40 views0 comments

All About Mising

A website created with the sole purpose of promoting, displaying, and preserving the language and culture of the Mising tribe.

Join Our Community

Get weekly updates

Quick Links

Enter your email here.

  • Facebook
  • Twitter
  • YouTube
  • Pinterest
  • Instagram

Copyright  2020-2021 @ All About Mising