PU:MI ASINO

Updated: Sep 7, 2020

✒️ Mg. Daniel Doley


A:né ragono kapil aya:man?

Abu Tani:ké ommangém!

Asi siyadno kapil kangkinman?

Tani:ké dungko amongém!

Ginmur po:lodo,

angkir bidlígla Lai aríg itagai,

Ané bírmébul do:nyi rasula,

a:mém rígu mongetagai,

Aínpé unsa:né a:mém

Pu:mi Asino bidyutto.

Pu:mi asino nésukang

Tani:ké mé:pol turnamsém!

Ngo édé arígdém mé:la

Éddíkoba: ma:yíngém ma:taga:ji

édé ma:nyí:dé ma:nyí:ngíp du:pakkang.

Pu:mi asino kapila éddík nésukan?

Dungko dakko kama:dop

Ukumé kumré kama:dop

Ragono ko:yutto ngoluk do:lungém,

So:bo-Menjeg dogéngé katomamg,

E:gé Porogé daggéngé katomamg!

Katomamg Tani:ké donamé.

Bidyutto no, no Tani:yém moyuddanto!

Tani:ké mé:pom la:paggel atéré térmoto!

Sí:sang sí:tog kinma:pé

no miksém dímoto.

Kapila? kapila? kapila?

Dítag dítaglo no moyuttídun

Sé kangkanné gené mo:písok

mé:pol du:né Tani: réngamsém.

73 views0 comments

All About Mising

A website created with the sole purpose of promoting, displaying, and preserving the language and culture of the Mising tribe.

Join Our Community

  • Facebook
  • Twitter
  • YouTube
  • Pinterest
  • Instagram

Get weekly updates

Quick Links

Enter your email here.

Copyright  2020-2021 @ All About Mising