NOM NGO LUBISULA:MA:LA

Mg. Mintu Pe:gu

Dibhrugrh University


Mé:po kamang édílo:sin

Mo:píso turdag takamsoi

Nom ngo lubisula:ma:la

Asin ara:bog mé:nam agomko.


A:né ru:yido tedla dungge:la

Nok dumsíkdém mé:pala

Métomko jíklí:dag

Ni:tomko jé:lí:dag ngo.


Tolopé gíyémílo nok dumsíkdém ka:bekdag

Bolopé gíyémilo nok bérsa:la ka:namdém mé:bekdag

Gejíg-gerongé í:r-pongkíré sé mo:písé

Ngok asin ara:bo nok ayangé du:yaryé.


Ru:nébí ru:teika

Pí:nébí pí:teika

Méngaboila:mabong

Nom lubisula:ma:namsém.


Ayang okkon méngkineimangai

Mé:nam okkon kangkineimangai

Ansín ésarpé sara:dag

Yupko ma:nyibo:pag daga:dag


Édí longélo nom ngo lubisulayén?

Mé:la du:nam agom gomuksém

Mé:dír miksipé bidla dung

Nom ngo lubisula:ma:la...




26 views0 comments

All About Mising

A website created with the sole purpose of promoting, displaying, and preserving the language and culture of the Mising tribe.

Join Our Community

Get weekly updates

Quick Links

Enter your email here.

  • Facebook
  • Twitter
  • YouTube
  • Pinterest
  • Instagram

Copyright  2020-2021 @ All About Mising