NGOLUK MO:PÍSÉ

Tolopé adiyé bolopé ga:né

Pongkodo a:né bidyar bidyaré.

Yumsi-yumrangé ísíngé-sí:lungé

Do:lung kéra:do di:bangé ba:lungé.

Do:mug mukkangé mé:pola so:mandung

Do:mirtok pédongé mo:píso oleddung.

Lí:sa:né do:nyidé kémmom ménpagdag

Rokpo pérogé réngamém udrobdag.

Yumélo ansí:pé Po:lobi gílendag

Bikké loladdo mo:písé kangkandag.

Bérsa:la ka:yémíl takaré migyabdag

Ésarlo ísí:lok nésuré ogyabdag.

Do:ré:ngé do:mumé do:nyé pédongé

Do:mírto lí:lendag gé:né lé:bangé.

Amrag-po:ragé do:lu: do:lu:lo

A:mé arígém gatsum sudolo

Singgi gipuné tagadé appuné

Lígangém yama:dung lí:jíg lí:jíkpé.

Dítag dítaglo anu anuné

Gasor-galugém mo:píbí géduné.



Source~

Book- Ngoluk Potin (Lékor-2)

23 views0 comments

All About Mising

A website created with the sole purpose of promoting, displaying, and preserving the language and culture of the Mising tribe.

Join Our Community

  • Facebook
  • Twitter
  • YouTube
  • Pinterest
  • Instagram

Get weekly updates

Quick Links

Enter your email here.

Copyright  2020-2021 @ All About Mising